Një rast i dhunës së familje është raportuar në komunën e Malishevës.

Policia e Kosovës ka bërë të ditur se të hënën në ora 15:15 në Komunën e Malishevës janë arrestuar dy persona për veprën “dhunë në familje”.

Sipas njoftimit, të njëjtit burri dhe vjehrri kanë ushtruar dhunë fizike dhe psikike ndaj gruas (resë), në mënyrë të vazhdueshme.

Siç bën të ditur Policia e Kosovës, viktima ka pranuar tretman mjekësor.

Ndërkaq, me vendim të prokurorit bashkëshorti i viktimës është dërguar në mbajtje, kurse babai i tij është liruar në procedurë të rregullt. /Reporteri.net/.