Një shqiptar raportohet të ketë humbur jetën në Itali.

Sipas mediave nga vendi fqinj Luçiano Kollaku, 35-vjeçar, me origjinë nga Shqipëria, u gjet i vdekur në garazhin e shtëpisë së tij në Romë.

Ishte gruaja e tij që lajmëroi forcat e policisë, pasi ky i fundit nuk i përgjigjej thirrjeve të saj.

Rreth orës 3.15 të mëngjesit, gruaja thërret Karabinierët.

Zjarrfikësit gjithashtu arrijnë në vend për të hapur derën e mbyllur.

Ende nuk dihet shkaku i vdekjes së tij, por pranë trupit të pajetë të babait 35- vjeçar u gjetën dy shiringa, të cilat përmbajnë mbetje që do të analizohen për të konstatuar se çfarë është.

Është urdhëruar një autopsi për të sqaruar se çfarë ndodhi me shqiptarin