Presidenti i Kosovës, Hashim Thaçi pritet që sot të kthehet në Kosovë. Ai për katër ditë me radhë u intervistua nga Zyra e Prokurorit Special e Gjykatës Speciale, shkruan Reporteri.net.

Thaçi do të arrijë në Prishtinë ku pritet më pas të jap më shumë detaje nga deklaratat e tij në Hagë.

Ai pas intervistimit tregoi se çka u pyet nga prokurorët.

Po ashtu, Thaçi pritet që të tregojë vendimet e tij të ardhshme politike.

“Unë nuk kam bërë asnjë lloj krimi. Tani i mbetet drejtësisë të vendosë paanshëm” ka thënë Thaçi sot pasi ka kryer intervistimin në Hagë

Presidenti pranoi ftesë nga Specialja, pas publikimit të propozim aktakuzës më 25 qershor. Zyra e Prokurorit Special publikoi aktakuzën për Thacin, kryetarin e PDK’së, Kadri Veseli, dhe nëntë anëtarë tjerë të UÇK’së emrat e të cilëve nuk u bënë të ditur.

Presidenti kishte deklaruar se në momentin kur të njëjtit t’i konfirmohet aktakuza nga Specialja do ta lirojë pozitën e presidentit.