Kreu i PSD-së, Dardan Molliqaj, ndërsa ka folur për aktakuzën e Gjykatës Speciale ndaj presidentit Hashim Thaçit e kreut të PDK-së, Kadri Veseli, ka thënë se Lëvizja Vetëvendosje i është gëzuar funksionalizimit të kësaj gjykate.

“Dikush po i gëzohet Gjykatës Speciale. Duke e shprehur gëzimin ose duke mos e shprehur qëndrimin politik,  VV i ka pri kësaj radhe (gëzimit të Gjykatës Speciale)”, ka deklaruar Molliqaj në TV Dukagjini, shkruan Reporteri.net.

Molliqaj ka thënë se VV ka qenë kundër kësaj gjykate, dhe sipas tij sot i shihni qëndrimet tjera të kësaj partie.

“VV sot nuk përfaqëson ushtarin e UÇK-së, VV nuk reagon edhe kur arrestohet Rexhep Selimi”, tha Molliqaj.

Ai tha se aleatët e Kurtit sot janë aleat evropian dhe sipas tij kjo nuk është e rastësishme. /Reporteri.net/.