Pamje të reja janë zbuluar nga zënka e Frank Lampardit me Jurgen Kloppit dhe stolin e Liverpoolit të mërkurën. Tani është zbuluar se trajneri i Chelseat i tha gjermanit të ‘shporret’ si pjesë e zënkës në pjesën e parë.

Liverpooli e ngriti trofeun e Premierligës pas një ndeshjeje drithëruese në mesjavë, në të cilin kishin qenë dy herë në epërsi prej tri golave para se ta fitonin në fund ndeshjen me rezultat 5:3.

Lampard ishte përfshirë në një zënkë me stolin e Liverpoolit para se Trent Alexander-Arnold të shënonte nga një gjuajtje e lirë dhe tani është zbuluar se çfarë u tha në momentet mes ndërhyrjes dhe golit të shënuar.

Lampardi fillimisht kishte bërtitur: “Si është ky faull? Nuk ka faull aty”, para se ta fillonte një zënkë me Kloppin, i cili vazhdimisht i thoshte anglezit të qetësohet.

Më pastaj, Lampardi e vazhdoi zënkën me ndihmësin e Liverpoolit, Pep Lijnders, i cili vetëm pak momente më vonë e festoi me shumë gëzim golin e Arnoldit, përderisa Lampardi shikonte.

Klopp tentoi ta mbrojë ndihmësin e tij, duke i thënë Lampardit të mos ia spiunojë ndihmësin, por Lampard iu përgjigj: “Jo, jo. Nëse ai po bën kështu me mua, unë do të them diçka”.

The full Lampard and Klopp incident for anyone who hasnt seen it. Fatty shut up when Trent scored ? pic.twitter.com/dXo1T8frwc

— ***EPL CHAMPIONS*** (@Fc88Mentality) July 23, 2020

Edhe në intervistën e dhënë pas ndeshjes, trajneri i Chelseat i kritikoi nikoqirët.

“Për mua, unë ishte ndërhyrje e palejuar nga Mateo Kovacic në Sadio Manen dhe kishte disa gjëra të vogla që nuk bëheshin siç duhej”, tha Lampard pas ndeshjes, në intervistën e dhënë për SKy Sport.

“Në stol, unë s’e kam asnjë problem me Jurgen Kloppin, ai e ka menaxhuar skuadrën e tij dhe e ka bërë në mënyrë fantastike. Është një vijë e hollë mes ndjenjës kur të jesh duke fituar, dhe ata veçse e kanë fituar ligën, por nuk duhet të bëhen arrogantë”.