Kuvendi i Kosovës ka votuar për zgjedhjen e anëtarëve të Këshillit Gjyqësor të Kosovës.

Nga katër kandidatët që ishin përzgjedhur, deputetët votuan për dy prej tyre me më së shumti vota.

Kësisoj të zgjedhurit për anëtarë të Këshillit Gjyqësorë të Kosovës tashmë janë: Driton Muharremi dhe Vilard Bytyqi.

“Në votim kanë marrë pjesë gjithsej 87 deputetë. Vota të pavlefshme janë një. Ndërsa votat i kanë marrë si në vijim: Driton Muharremi 45 vota, Hashim Çollaku 33 vota, Hasim Sogojeva 35 vota dhe Vilard Bytyqi 37 vota”, tha ajo.

Kjo u bë e ditur nga nënkryetari i Kuvendit të Kosovës, Kujtim Shala i cili tha se të dy janë zgjedhur për një mandat pesë vjeçar.

Ndryshe në këtë konkurs patën aplikuar 25 kandidatë, prej tyre 19 shqiptarë dhe gjashtë nga komunitetet e tjera.