Një 37-vjeçar në Fier u arrestua pasi ushtroi dhunë fizike ndaj babait të tij.

Shtetasi Orjald Tushi goditi me sende të forta babain e tij, shtetasin V.T. 63 vjeç, banues në fshatin Libofshë të Fierit.

Ngjarja ndodhi rreth orës 1 të mëngjesit. I ati u zgjua nga gjumi ndërsa djali ka qenë zgjuar.

Mësohet se ai goditi me gurë babain e tij duke i shkaktuar plagë, por fatmirësisht ai ndodhet jashtë rrezikut për jetën në spitalin rajonal të Fierit.

Ata jetonin të vetëm në shtëpi. Gjatë kontrollit të policisë, 37-vjeçarit iu gjet dhe një thikë.

Nuk dihen ende shkaqet e kësaj ngjarje ndërkohë që grupi hetimor po vijon kërkimet.

Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje” dhe “Mbajtja pa leje e armëve të ftohta”.