Policia në Shqipëri ka arrestuar një 26-vjeçar në Tiranë, i cili kërkohej nga drejtësia austriake.

Gersi Halili është kapur nga njësia e posaçme e kërkimit “Fast” që në bazë të informacioneve të marra në rrugë operative zbuloi vendndodhjen e tij.

Halili u gjet në lagjen “Ali Demi”, tek tregu elektrik ku kishte marrë me qira një banesë. I riu me origjinë nga Peshkopia, por që kishte shtetësi austriake kërkohej për trafik narkotikësh.

Policia e Shtetit thotë se po vijojnë procedurat për ekstradimin e Halilit drejt Austrisë ndërsa maksimumi i dënimit për veprën penale të tij është deri në 15 vjet. /Reporteri.net/