Sekretarja e shtypit e Shtëpisë së Bardhë, Kayleigh McEnany njoftoi për blerjen e 150 milionë testeve të shpejta COVID-19.

Kështu së paku ka shkruar në llogarinë personale në Twitter, McEnany, e cila nuk ka dhënë shumë detaje të tjera.

“Ky është një zhvillim i madh që do të ndihmojë vendin tonë të mbetet i hapur, t’i kthejë amerikanët në punë dhe fëmijët të kthehen në shkollë!”, shkroi 32-vjeçarja.

🚨 President @realDonaldTrump has announced the purchase and production of 150 million rapid tests.

This is a major development that will help our country to remain open, get Americans back to work, and kids back to school!

— Kayleigh McEnany 45 Archived (@PressSec45) August 27, 2020

Wall Street Journal raporton se marrëveshja me Laboratorët Abbott kap shumën e 750 milionë dollarëve.

Ndryshe, testi i ri quhet BinaxNOW COVID-19 Ag Card, dhe duhet të bëhet brenda shtatë ditëve nga ndjesia e parë e simptomave të coronavirusit.

Mostra merret duke përdorur një shtupë hundore dhe më pas futet në aparatin për testim, i cili ka formën e një kartele bankare dhe kushton vetëm pesë dollarë. /Reporteri.net/