Një 23-vjeçar ka humbur jetën gjatë një aksidenti të ndodhur mbrëmjen e sotme në aksin e vjetër Mamurras -Fushë Krujë.

Në këtë aksident është përfshirë një mjet tip “Nissan” me drejtues shtetasin E.Q dhe një ciklomotor, drejtuesi i këtij të fundit humbi jetën gjatë transportimit për në spitalin e Traumës në Tiranë.

Ndërkohë, drejtuesi i mjetit është shoqëruar në ambientet e Komisariatit Kurbin për veprime të mëtejshme. Grupi hetimor në vendgjarje punon për zbardhjen e plotë të shkakut dhe rrethanave të aksidentit.