Partia Social Demokrate, ka mbajtur sot një aksion simbolik para Qeverisë së Kosovës.

Në fokus të këtij aksioni ka qenë testimi për Covid-19 në laboratorin i cili është në pronësi të vajzës së Blerim Devollit, e ku testi molekular kushton 200 euro.

Sipas PSD-së, Licenca monopol për Blerim Devollin është privatizim i shërbimeve mjekësore që iu takojnë qytetarëve, shkruan Raeporteri.

PSD ka kritikuar Qeverinë për numrin e e vogël të testimeve, duke thënë se qysh prej fillimit të pandemisë, numri i testimeve ka mbetur i njëjtë.

Reagimi i plotë: 

Në Kosovë, pronarët e kapitalit të madh janë të krijuar nga grabitja e burimeve natyrore dhe ndërmarrjeve publike, por edhe nga abstenimi i shtetit si shërbyes i nevojave bazike të qytetarëve. Gjersa doktrina e mosndërhyrjes së shtetit vazhdon si diskurs, secila ngjarje na e provon se pronarët e mëdhenj në Kosovë i ka krijuar vetë shteti. Diku duke privatizuar ndërmarrje e pasuri, diku duke privatizuar shërbime, e diku përmes tenderëve.

Përgjigja e shumë shteteve në kohë pandemie është investim në institucionet publike e forcim i tyre, bashkë me ndihmë për të margjinalizuarit që më së shumti dëmtohen nga pandemia. Qeveria e Kosovës kryesisht s’ka bërë asgjë në këtë drejtim, mos të harrojmë nuk e kemi ende një plan për rimëkëmbje ekonomike. E kur bën diçka, e bën të kundërtën e kësaj.

Licenca monopol për Blerim Devollin është privatizim i shërbimeve mjekësore që iu takojnë qytetarëve. Pasi janë braktisur nga shteti, qytetarët jane bërë klientë, pra shëndeti i tyre është burim fitimi për më të kamurit e kësaj shoqërie.

Institucionet që mendojnë për shëndetin publik do të duhej të fokusosheshin në rritjen e kapaciteteve të testimit. Ç’prej fillimit të vitit kur ka rënë pandemia, numri i testimeve ka mbetur i njëjtë. Kjo është ngathtësi dhe paaftësi, tash edhe abuzim.

https://www.facebook.com/Socialdemokratet/posts/2624697491124377?__xts__%5B0%5D=68.ARBqeZicSrfhHopE1keBnINBBkZ1N-SSW2rC6d3Zlw3QBSC9U2ov9tUjI2L7c-q-HLiOQQR8fqonI0tM8cQQvHZd9ic6UusOSYqWjFrsVnAC4OMmJUniXtMma9wX2IziGxe7kkalmySNPjxSx4jsLFyrHct5qkPdsQwTyvB6aXiz-l2Xo7hp2asg5OLMF6R6k3Yg4S9RzayWi-yvbGA0z6F4TtKqRqQGWs12kSx4dUyQyUgK9h9KJbdXwtgxd3fWBYYGMiBRujKvEWw5tjdkB7n7bEEp7T5dhqqdLJ_yRlNSAtNhOz0oFvj_zJ5VGgZhbYTNKEBdpJkxhva9pPtQlY12NXTB&__tn__=-R