Kryetari i BDI-së, Ali Ahmeti ka përfunduar intervistimin nga Prokurorët e Speciales në Prishtinë.

Intervistimi i Ahmetit sikurse gjatë së mërkurës, edhe gjatë së enjtes ka zgjatur me orë të tëra.

Gjatë ditës së djeshme ai është marrë në pyetje për 8 orë.

Kreu i BDI-së është intervistuar në cilësinë e dëshmitarit.

Ahmeti është një nga themeluesit e Ushtrisë Çlirimtare të Kosovës (UÇK) dhe ish-anëtar i Shtabit të Përgjithshëm.

Ndaj tij nuk ka pasur akuza konkrete, ndërsa më herët pati deklaruar se është i gatshëm të dëshmojë për luftën e pastër të UÇK-së. /Reporteri.net