Kosova sot zhgënjeu duke barazuar 1-1 me Moldavinë në ndeshjen e parë të Ligës së Kombeve për këtë edicion

Bernard Challandes nuk ishte i kënaqur me rezultatin, derisa në konferencë për shtyp pas ndeshjes pranoi një pyetje nga gazetarët rreth dorëheqjes së mundshme të tij, nëse ai nuk do të mund ta mposhtë Maqedoninë muajin tjetër, shkruan Reporteri.net

Tekniku zviceran ka thënë se nuk mendon për dorëhqeje edhe në rast se nuk do të arrijë që ta kualifikojë Kosovën në Kampionat Evropian.

“Absolutisht jo, ne jemi Kosova dhe ne nuk flasim vetëm për kualifikimin në Evropian, por për progresin. Kam besim në këtë skuadër. Nuk është problemi tek kontrata. Nuk ishte ndeshje e dobët, por rezultat i keq,” ka thënë Challandes.

“Nuk është surprizë e madhe për mua. Ju nuk ishit në konferencë, thash pikërisht atë që ndodhi sonte. Do të qëndroj i qetë me skuadrën, do të punojmë dhe do të bëjmë më të mirën për ndeshjet e ardhshme,”. /Reporteri.net/