Presidenti i Shqipërisë, Ilir Meta, ka përshëndetur nënshkrimin e marrëveshjes mes Kosovës dhe Serbisë, të negociuar nën udhëheqjen e Shteteve të Bashkuara të Amerikës.

Përmes një postimi në rrjetin social Facebook, Meta ka thënë se ky është një hap shumë i rëndësishëm drejt normalizimit të plotë të marrëdhënieve mes dy vendeve, në funksion të paqes dhe stabilitetit në rajon, shkruan Reporteri.net.

Marrëveshja me karakter ekonomik, u nënshkrua nën prezencën e Presidentit amerikan Donald Trump.

Postimi i plotë i Metës:

E përshëndes nënshkrimin e marrëveshjes mes Kosovës dhe Serbisë, të negociuar nën udhëheqjen e Shteteve të Bashkuara të Amerikës dhe Presidentit Trump!
Një hap i rëndësishëm drejt normalizimit të plotë të marrëdhënieve mes të dy vendeve, në funksion të paqes e stabilitetit në rajonin tonë! /Reporteri.net/