Partia Socialdemokrate ka thënë se marrëveshja në Washington është një dështim.

Sipas PSD’së, bisedimet në Washington vërtetuan se Kosova është larg shkëputjes nga Serbia.

“Bisedimet e zhvilluara në Washington gjatë 3 dhe 4 shtatorit vërtetuan indikacionet për të cilat kishim reaguar: jemi larg shkëputjes nga Serbia. Çfarëdo marrëveshje e arritur, për t’i kontribuar paqes në rajon e bashkëpunimit midis popujve duhet ta ketë si premisë shkëputjen nga e kaluara e dhunës dhe dominimit”, thuhet në reagim.

PSD tutje ka thënë se dialogu me Serbinë është luftë e brendshme politike dhe Kurti e Haradinaj prijnë në minimin e procesit.

“Gjithsesi, kjo ngjarje shënon përmbylljen e një rast të shpërdoruar nga papërgjegjësia e klasës politike. Ka 3 vite që kur dialogu me Serbinë është luftë e brendshme politike, thua se çfarë më së shumti i duhet Kosovës është vazhdimi i status-quos. Së këndejmi, Kurti e Haradinaj prijnë në minimin e procesit”, thuhet në reagim.

https://www.facebook.com/Socialdemokratet/posts/2627645687496224