Spanja u bë vendi i parë në Evropën Perëndimore që regjistroi 500,000 raste me coronavirus të hënën.

Të dhënat e Ministrisë së Shëndetësisë treguan se në vend u raportuan gjithsej 525,549 raste.

Vendi raportoi 2,440 të infektuar të regjistruar në 24 orët e fundit, shkruajnë mediet e huaja.

Grupmosha e cila është infektuar më së shumti në vend janë të rinjtë, të cilët shpeshherë nuk shfaqin simptoma falë sistemit të fortë imunitar.

Megjithë historikun e padëshiruar, ndryshe nga atëherë, spitalet kanë mjaft shtretër për të trajtuar pacientët me Covid-19.