Dy persona kanë vdekur si pasojë e një aksident trafiku që ka ndodhur mbrëmë në magjistralen Prishtinë-Pejë.

Aksidenti ka ndodhur mes një kamioni dhe një kamionete.

Rastin për Gazetën Online “Reporteri.net” e ka konfirmuar zëdhënësja e Policisë së Kosovës për rajonin e Prishtinës, Arlinda Rexhepi.

“Me datë 07.09.2020 rreth orës 20:00 në fshatin Arllat, konkretisht në drejtimin Prishtinë- Pejë, është raportuar për një aksident trafiku mes një kamioni dhe një kamionete. Ne vendngjarje kanë dalur njësitë përkatëse policore dhe ekipa mjekësore të cilët e kanë konstatuar vdekjen e një personi, ndërsa një tjetër ka pësuar lëndime trupore dhe është dërguar për tretman mjekësor”, tha ajo.

Ndërkohë, gazeta Sinjali ka publikuar fotografitë dhe identitetin e dy  viktimave. Ata janë Besim Hoxha, 43-vjeçar dhe Milaim Tara, 46-vjeçar.