Krerët e tre koalicioneve që fituan shumicën e votave në zgjedhjet e fundit parlamentare në Mal të Zi nënshkruan një marrëveshje mbi parimet e qeverisë së re malazeze.

Në marrëveshjen që nënshkruan, liderët e “Për të Ardhmen e Malit të Zi”, Zdravko Krivokapiq, udhëheqësi i koalicionit “Paqja është kombi ynë”,  Aleksa Beçiq dhe udhëheqësi i koalicionit “Bardh e Zi”, Dritan Abazoviq, ndër të tjera, u zotuan se qeveria e re nuk do të fillojë asnjë iniciativë ose veprim për të ndryshuar flamurin shtetëror, stemën dhe himnin, shkruajnë mediat malazeze, transmeton Reporteri.

Marrëveshja thotë se qeveria e re demokratike në Mal të Zi do të zbatojë me përgjegjësi të gjitha detyrimet ndërkombëtare të ndërmarra nga shteti, të forcojë dhe përmirësojë bashkëpunimin me NATO-n dhe të zbatojë shpejt, plotësisht dhe me përkushtim të gjitha reformat e nevojshme për anëtarësimin e plotë të Malit të Zi në BE.

Gjithashtu, krerët e tri partive zotohen se qeveria e re nuk do të fillojë asnjë procedurë për për tërheqjen e njohjes së pavarësisë së Kosovës.

Marrëveshja u hartua në anglisht dhe gjermanisht. /Reporteri.net