Shtetet e Bashkuara të Amerikës do të tërheqin më shumë se një të tretën e trupave ushtarake nga Iraku për pak javë, ka bërë të ditur komandanti i saj në Lindjen e Mesme.

Gjenerali Kenneth McKenzie u ka thënë gazetarëve se prezenca e trupave në Irak do të reduktohet nga 5200 në 3000 gjatë shtatorit.

Ata që do të mbesin do të vazhdojnë asistimin e forcave irakiane të sigurisë deri në “largimin e mbetjes finale” të Shtetit Islamik, raporton BBC.

Muajin e shkuar, presidenti amerikan Donald Trump ritheksoi që planifikon të largojë të gjitha trupat nga Iraku sa më shpejt që të jetë e mundshme.