Në orar të punës dhe me uniformë, polici i Kosovës ia "kërset" birrës

Lajme

Në orar të punës dhe me uniformë, polici i Kosovës ia “kërset” birrës

Reporteri

12 Shtator 2020 | 17:28

Një zyrtari policor duket se nuk po i intereson vendimi për ndalim të futjes në lokale gjatë orarit të punës.

Madje, ai ia ka “krisur” edhe birrës serbe “Zajecarsko” gjatë kohës kur duhet të ishte në punë, shkruan Reporteri.net.

Një qytetar ka dërguar fotografinë e policit, duke thënë se ai gjatë ditës së djeshme shkeli rregulloren e punës së Policisë së Kosovës, duke pirë birrë në një lokal afër urës së Ibrit.

Lexo edhe:

Sot mbahet seanca gjyqësore për rastin ‘Banjska’

Sot përpjekja e 29-të për konstituimin e Kuvendit, pritet skenari i njëjtë

Ky është parashikimi i motit për sot dhe 4 ditët e ardhshme

Gazeta merr vesh se zyrtari punon në Stacionin Policor në Mitrovicë të Veriut, dhe njihet me nofkën “Mitke”. Identiteti i plotë i tij nuk është siguruar.

Duhet theksuar se, sipas vendimit të nxjerrë nga drejtori Rashit Qalaj, policëve u ndalohet futja në lokale gjatë orarit, e sidomos alkooli është i ndaluar.

Ndryshe, Stacioni Policor në Veri të vendit është mjaft problematik, pasi edhe disa zyrtarë u suspenduan javë më parë pasi nuk kryen arrestime gjatë një përleshje bandash./Reporteri.net

Shpërndaje: