Një lajm shumë i mirë për Kombëtaren e Kosovës ka ardhur nga Zvicra

Shteti i Zvicrës do ta heq nga lista e karantinës Kosovën më 28 shtator, shkruan Reporteri.net

Ky është një lajm shumë i mirë për Kosovën, e cila në tetor do të luajë ndeshjen shumë të rëndësishme me Maqedoninë.

Futbollistët si Hekuran Kryeziu, Benjamin Kololli e Edon Zhegrova do ta kenë më lehtë që të vijnë te Kosova, pasi nuk detyrohen që të shkojnë në karantinë pas rikthimit në Zvicër.

Kujtojmë që në ndeshjet e shtatorit Kosova pati shumë mungesa për ndeshjen kundër Greqisë pasi klubet nuk lejuan disa futbollistë që të vinin të luanin në vendin tonë shkaku i pandemisë COVID-19.

Tani, futbollistët e Kosovës që luajnë në Zvicër mund të vijnë pa ndonjë problem pasi nuk do të kenë nevojë për karantim pasi të rikthehen te klubet e tyre. /Reporteri.net/