Ministri i Shëndetësisë, Armend Zemaj ka folur për lehtësimin e masave në Kosovë, derisa ka përsëritur se bartja e maskës është obligative.

Zemaj ka përsëritur se qytetarët e Kosovës janë të obliguar të bartin maskën edhe në veturë, në momentin kur shoqërohen nga një person e më shumë, pa marrë parasysh se a janë ta familjarë të tyre apo jo, shkruan Reporteri.

“Obligimi ynë është të sigurojmë çdo individ që është në rrezik për t’u infektuar. Transporti është transport. Nëse je vetëm në veturë nuk ke nevojë ta bartësh maskën. Çdo person i dytë pavarësisht kush është me ju, duhet ta keni maskën”, u shpreh ai.

Në të kundërtën ai ka thënë se dënimet do të zbatohen për të gjithë.

Ndryshe Qeveria e Kosovës gjatë ditës së djeshme ka lehtësuar masat duke zgjatur orarin e sektorit të gastronomisë dhe duke hequr kufizimin e lëvizjes. /Reporteri.net