Infermieri i Klinikës së Urologjisë së Qendrës Klinike Universitare të Kosovës (QKUK) që u ther dje me thikë është në gjendje stabile pasi iu nënshtruar një operacionit.
Ai është duke e vazhduar trajtimin mjekësor në QKUK.
Kështu është bërë e ditur pas një vizite të U.D të drejtorit të përgjithshëm të SHSKUK-së, Valbon Krasniqi.
Ndërkaq Policia ka njoftuar se personi që dyshohet se ka therur infermierin është arratisur nga vendi i ngjarjes dhe është duke u kërkuar.
Njoftimi i QKUK-së:
Dr. Valbon Krasniqi, ushtrues i detyrës së drejtorit të përgjithshëm të Shërbimit Spitalor dhe Klinik Universitar të Kosovës, i shoqëruar ga Kryetari i Federatës Sindikale të Shëndetësisë, Blerim Syla, Kryetari i Sindikatës së Infermierëve, Fitim Havolli, përfaqësuesi i Odës së infermierëve, Muharrem Arifi dhe Flutura Sinani, nga Shoqata për të drejtat e pacientëve, kanë vizituar sot infermierin F. B, i sulmuar dje me thikë, cili pas intervenimit kirurgjik po vazhdon trajtimin mjekësor në QKUK. Infermieri ishte vizituar edhe ditën e djeshme, menjëherë pas sulmit.
Ata gjatë vizitës shprehen keqardhje lidhur me sulmin, duke i ofruar mbështetjen e këtyre institucioneve për infemierin.
Duke i uruar shërim të shpejtë, u urua që ky të jetë rasti i fundit dhe institucionet kompetente të ndërmarrin masa që sulmuesit e punëtorëve shëndetësorë të dalin para drejtësisë.
Poashtu, është kërkuar mbrojtje institucionale për të gjithë punonjësit shëndetësorë.
Infermieri ka gjendje shëndetësore stabile.
https://www.facebook.com/shskuk.rksgov.net/posts/2709211056062350?__xts__%5B0%5D=68.ARDVVY1NIvVnazq1YpmCt_DGigDLmdYLbCnbNeXWIOn7z28f6WQvpB_MFPFnKNN-Q5rKB2S6OYvsUR8xijTusn8ThuRQLwRtcdoIchoO_ra9uaZjYR51s1zM_Xka5XOnxkJRRwfBGo1c5sGXGO8EulV2CvGOrKVPzkfT8Bxt501fCFhIKpMSx5zX0ODKp3sw-sWYdhpURp9mv_mUIp3DeZDlDIK9-i1G8Y5Vke5Qdaa08z58Bbu5rFupQI1MhgEeZ4BJX3Ju0vJDOyVETwzgQ3PgCEBkstzxk1CSPZZqEvEAQRfDbEnEiX_MThGEkRtRUC8nHxWWAfBzWAlbjyYj_pxPqoel&__tn__=-R