Sot u zhvillua debati i parë presidencial në Shtetet e Bashkuara të Amerikës, ku sipas sondazheve të zhvilluara nga CBS News, fitues i debatit u shpall Joe Biden.

Në debatin kaotik 90 minutësh, Biden siguroi 48% të votave kundrejt 41% të votave që shkuan për Donald Trump.

Biden akuzoi Trumpin për ndezjen e trazirave racore në Amerikë. Trump u përgjigj duke pretenduar se Demokratët, nëse fitojnë, do të shkatërrojnë Shtetet e Bashkuara, transmeton Reporteri.

Një nga detajet interesante është reagimi i grave të dy kandidatëve, për të cilat po gumëzhijnë rrjetet sociale.

Kandidatët Donald Trump dhe Joe Biden u bashkuan në skenë me gratë e tyre pas debatit.

Videoja tregon Jill Biden duke përqafuar dhe puthur burrin e saj.

Nga ana tjetër, Melania tregoi sjellje shumë më të përmbajtur. Ajo vetëm e goditi në shpatull Trump para se t’ia kapte dorën. /Reporteri.net