Një këmbësor është goditur nga një veturë sot në Prishtinë. Aksidenti ka ndodhur rreth orës 14:00 në rrugën “Ahmeti Krasniqi”.

Lajmin për Gazetën Online “Reporteri.net” e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 14:00 në rrugën Ahmet Krasniqi në Prishtinë, ka ndodhur një aksident trafiku në mes një automjeti dhe një këmbësori. Si pasojë aksidentit, lëndime trupore ka pësuar këmbësori, i cili është dërguar për trajtim mjekësor. Me rastin po merret njësiti i komunikacionit rrugor”, tha Ahmeti për Reporterin.