Kombëtarja e Kosovës këtë të enjtë (8 tetor) luan ndeshjen historike ndaj Maqedonisë së Veriut, në kuadër të Play-Offit të Ligës së Kombeve.

Vendasit shihen favorit pas mungesave të shumta te Kosova, ku bien në sy Mirlind Kryeziu, Idriz Voca, Milot Rashica, Vedat Muriqi dhe Amir Rrahmani.

Maqedonasit i gëzohen lajmit të mungesës së Muriqit, duke e cilësuar si humbje të madhe për Kosovën, , shkruan Insporti.

“Zëvendësimi i Muriqit me shumë gjasë është Nuhiu, i cili është i gjatë, i fortë fizikisht dhe i mirë në duele, por ai është shumë i ngadalshëm. Ndërprerjet e lojës tani bëhen shumë të rëndësishme.” – shkruhet në faqet sportive të Maqedonisë së Veriut.

Takimi mes Maqedonisë së Veriut dhe Kosovës luhet në stadiumin e Shkupit me fillim nga ora 20:45.