Kosova do të luajë këtë të enjte (8 tetor) takimin historik ndaj Maqedonisë së Veriut.

Kombëtarja e Kosovës do të luajë takimin më të rëndësishëm në histori ndaj Maqedonisë së Veriut me 8 tetor. Ky takim është i vlefshëm për një vend në finale të Ligës së Kombeve, ku një fitore eventuale garanton plasman në Kampionatin Evropian të vitit të ardhshëm.

Ditën e djeshme nga burime brenda kampit të Kosovës, u konfirmuar mungesa e kapitenit Amir Rrahmani.

Kjo vjen pasi dy lojtarë të Napolit u diagnostikuan me Covid 19, ndaj sipas protokollit të qytetit ata duhet të izolohen për një periudhë dy javore.

Por, sipas disa burimeve afër kombëtares së Sllovakisë, mesfushori i Napolit, Stanislav Lobotka është optimist për pjesëmarrje në takimin e së enjtës ndaj Irlandës.

Sikur Rrahmani është në karantinë, por në dy testet e fundit ka rezultuar negativ dhe është duke pritur një testim të tretë dhe të fundit për të fluturuar drejt Bratisllavës.

Situata e njëjtë është edhe me kapitenin e Kosovës, i cili dje gjatë ditës testoi negativ për herën e dytë, ndaj sipas këtij informacioni atij i duhet vetëm edhe një test negativ për të pasur drejtë loje ndaj Maqedonisë së Veriut.

Federata e Futbollit të Kosovës ende nuk ka dalur me një komunikatë zyrtare rreth rastit të Rrahmanit, por si duket ka shpresa që ai të paraqitet në ndeshjen historike të Kosovës.