“Kur na vjen hasmi te dera, ne këndojmë pushkë në derë”.

Kjo është fraza që përdori presidenti Ilir Meta gjatë intervistës së tij për “Tempora” në RTV Ora.

Teksa citoi këngën e famshme të Qerim Sulën, Meta u shpreh se, shqiptarët janë një popull i urtë dhe i drejtë por kur ndjen rrezikun dine të përgjigjen.

Meta shtoi se, përpara kemi dy rrugë: ose me me demokracinë, ose me djalin e Kristaqit, i cili sipas tij, ka firmosur për varjen e njël poeti kur bota po hapej.

“Nuk jemi ne një popull që sikurse thotë ai vagabondi se popullit tonë nuk i ngrehet. Ne jemi popull i urtë dhe i duruar por kur na bie hasmi tek dera na këndojnë pushkët në kulla. Presidenti do të jetë në krye të popullit. O me demokracinë ose me djalin e Kristaq Ramës. Se thotë se babai ishte në anën e drejtë të historisë, por ai ka firmosur për të varur një poet në vitin ’88 kur po hapej bota”.

“Ky babain nuk e ka pasur partizan. Rama provokon rendin demokratik dhe duhet të mbajë përgjegjësi. Ose mbahet marrëveshje e 5 qershorit ose ka referendum. Nuk ka as liderë dhe as ndërkombëtarë që e çmendën popullin, por do të ketë epokë referendumesh për prekjen e kushtetutës”, ka deklaruar Meta.