Deputeti i LDK-së, Xhavit Ukaj sërish ka qenë protagonist në Kuvendin e Kosovës.

Kësaj here deputeti nga Prizreni është përplasur me deputetin e PDK-së, Bekim Haxhiu.

Gjithçka nisi ndërsa flitej për mocionin për rrëzimin e qeverisë, me ç’rast Ukaj u ngrit në këmbë duke i thënë Haxhiut, që t’ia sjell mocionin për rrëzimin e Qeverisë Hoti.

“Bire këtu mocionin, unë ta nënshkruaj”, i tha Ukaj, deputetit Haxhiut.

Duke parë se Ukaj nuk po ulet, shefi i deputetëve të LDK-së, Arben Gashi, i kërkoi bashkëpartiakut të tij të ulet, duke i thënë “ulu bre se nuk ka kuptim”.

Kujtojmë se Ukaj kohë më parë ishte përplasur edhe me kryetaren e Kuvendit, Vjosa Osmani, të cilës i kishte shkuar afër foltores, por që kishin ndërhyrë bashkëpartiakët e tij që të mos ndodhte ndonjë skenë e papërshtatshme. /Reporteri.net/.