Kombëtarja e Kosovës sot do ta zhvillojë ndeshjen vendimtar ndaj Maqedonisë së Veriut në kuadër të gjysmëfinales së Ligës së Kombeve.

Me fillimin nga ora 20:45 ‘Dardanët’ do të zbarkojnë në stadiumin “Todor Proeski” për ta ‘ripushtuar’ përsëri Shkupin, kësaj here përmes futbollit.

Futbollisti i Kosovës dhe Torinos, Mërgim Vojvoda, ka ardhur me një postim të veçantë.

Ai në një foto të postuar në “Instagram” shihet duke e festuar fitoren me Çekinë, derisa ka shkruar: “Vetëm krenari, asgjë tjetër”.

Një fitore e mundshme në këtë takim do t’i siguronte finalen e madhe dhe mundësinë jetësore për t’u kualifikuar në ‘Euro 2020’ që do të zhvillohet verën e ardhshme.