Ka përfunduar aksioni i Policisë së Kosovës para objektit të Agjencisë Kosovare të Inteligjencës, ku u gjet dhe u konfiskua një granatë dore si dhe një veturë e dyshuar.

Zëdhënësi i Policisë, Baki Kelani, ka bërë të ditur për Gazetën Online “Reporteri.net” se personi i dyshuar i cili u dërgua në stacion policor, është i moshës 27-vjeçare.

Kelani tha se të gjitha veprimet e mëtejme do të ndërmirren në bashkëpunim dhe koordinim me prokurorin kompetent.

“Rreth orës 08:40 min, të gjitha njësitet relevante policore kanë përfunduar vendshiqimin e vendit të ngjarjes dhe rruga është liruar për qarkullim. Gjatë ekzaminimit të vendit të ngjarjes, në veturën e personit të dyshuar mashkull kosovar (E. B. 1993), është gjetur dhe konfiskuar një granat dore. Po ashtu vetura e dyshuar është konfiskuar nga Policia. Të gjitha veprimet e mëtejme do të ndërmirren në bashkëpunim dhe koordinim me prokurorin kompetent.”, tha Kelani për Reporterin. /Reporteri.net