Një tjetër lëkundje tërmeti është regjistruar ditën e sotme në Shqipëri.

Sipas institutit të Gjeoshkencave, Energjisë, Ujit dhe Mjedisit, lëkundjet janë ndjerë sot rreth orës 14.36 , dhe epiqendra ka qenë në Adriatik.

IGJEUM raporton se magnituda e tërmetit ka qenë 3.8 ballë, në një thellësi 35 kilometra.

Kujtojmë se vetëm dy ditë më parë u regjistruan një tërmet me magnitudë 4.9 ballë dhe epiqendra e lëkundjeve ishte në Durrës.