Franca ka shënuar rekord të numrave të të infektuarve me coronavirus.

Numri i të infektuarve ka shkuar të shtunën në 26,896.

Sa i përket viktimave, numri i ditës së sotme është 54, duke e çuar shifrën totale në 32,684.

Parisi është duke futur nivelin më të lartë të masave për të parandaluar përhapjen e koronavirusit, që do të thotë se për dy javë, duke filluar nga e marta, të gjitha baret do të mbyllen, ndërsa restorantet do të duhet të zbatojnë masa të reja mbrojtëse për të qëndruar të hapur.

Kujtojmë se restorantet dhe baret u mbyllën në Marsejë për dy javë rreth dhjetë ditë më parë.