Kombëtarja e Kosovës sot luan me Slloveninë në kuadër të Ligës së Kombeve

Kosova në këtë takim vjen pas zhgënjimit kundër Maqedonisë, ku u mposhtën 2-1 dhe kështu humbën gjasat për një kualifikim në Evropian, shkruan Reporteri.net

Tifozët nuk janë të pranishëm shkaku i pandemisë, por ‘Dardanët’ janë përkujdesur që t’i motivojnë futbollistët.

“Me ju në borë e në shi, me ju kudo dhe gjithmonë… Jeni luanët tanë, jeni Dardanët të rritun nëpër luftra”-shkruhet ndër të tjera në parullat e vendosura në stadium.

Përveç këtyre banerave të vendosur në stadium ‘Dardanët’ jashtë kanë ndezur flakadane të shumta duke i dhënë zemër futbollistëve para ndeshjes me Slloveninë. /Reporteri.net/