Ka përfunduar pjesa e parë e ndeshjes Kosova – Sllovenia me epërsinë minimale të mysafirëve [0-1]

Haris Vuckic shënoi golin për sllovenët pas një kundësulmi shumë të mirë në minutën e 22-të, shkruan Reporteri.net

Kosova u mundua që të rikthehej në lojë, por pa ndonjë rezultat edhe pse kishte disa raste shumë të mira.

Edon Zhegrova në minutën e 35-të kombinoi për mrekulli me Valon Berishën, i cili me thembër pasoi te Zeneli, por goditja e këtij të fundit përfundoi jashtë portës.

Në fund të pjesës së parë raste të mira shënimi kishin edhe Paqarada dhe Celina, por goditjet e tyre u pritën nga Jan Oblak.

Le të shpresojmë që Kosova në pjesën e dytë do të vazhdojë me lojë të mirë dhe pse jo të dalë me një rezultat pozitiv nga kjo ndeshje. /Reporteri.net/