Kombëtarja e Kosovës është mposhtur sonte nga Sllovenia në Fadil Vokrri me rezultat minimal 1-0

Bernard Challandes pas ndeshjes ka thënë se është i zhgënjyer me mënyrën se si po pësojnë gola, por ka thënë se detyra e tij është t’i mbrojë lojtarët e tij, shkruan Reporteri.net

“Unë kam menduar se është ekipi më i mirë për këtë ndeshje. Nuk kemi gjetur zgjidhje, por mendoj se skuadra ka provuar deri në fund. Ne provuam, provuam dhe asgjë nuk është mirë në këtë kohë. Është kohë e keqe për ne dhe duhet ta pranojmë këtë,” ka thënë Challandes.

“Unë i përcjell lojtarët dhe i di kapacitetet e tyre, unë nuk vij këtu pa informacione. Për mua lojtarët që kanë luajtur janë të mirë. Ishte ekipi më i mirë që mund të kishim sot.

Sa i përket 6 humbjeve në 7 përballjet e fundit Challandes u shpreh kështu:

“Unë nuk jam i lumtur. Unë jam i zhgënjyer me lojtarët. Ne po pësojmë gola qesharak. Por, unë do ta mbroj ekipin tim, sepse ata janë munduar. Unë më duhet që ta mbrojë ekipin tim,” përfundoi tekniku zviceran. /Reporteri.net/