Të paktën 11 migrantë afrikanë kanë ndërruar jetë, kur anija e tyre u fundos pranë Tunizisë, ndërsa u përpoqën të kalonin Mesdheun për në ishullin italian të Lampedusas.

Rojet bregdetare tuniziane gjetën trupat e tetë grave dhe tre fëmijëve pranë bregdetit afër Sfaxit. Rreth 30 persona ishin në anije, duke synuar të mbërrinin në Itali, kanë thënë zyrtarët, raportojnë mediat e huaja, transmeton BW.

Rojet bregdetare po kërkohjnë për trupa të tjerë të dyshuar të vdekur, kurse hetimet për këtë rast vazhdojnë.

Vitin e kaluar, rreth 90 migrantë afrikanë u mbytën pasi anija e tyre u përmbys, në një nga aksidentet më të rënda të tilla në ujërat tuniziane. Destinacioni i tyre kryesor është Italia.