Komisionari i Bashkimit Evropian për Fqinjësi dhe Zgjerim, Oliver Varhelyi, ka njoftuar se është në vetizolim, pasi një anëtar i ekipit të tij është diagnostifikuar me COVID-19, sëmundjen që e shkakton coronavirusi i ri.

“Në pritje të rezultateve të reja të testit, unë dhe anëtarët e ekipit po vetizolohemi në përputhje me udhëzimet. Ndihem mirë, nuk kam simptoma, testet e mia gjatë javës së kaluar ishin negative”, ka shkruar Varhelyi.

I was informed today that a member of my team tested positive for #COVID19. Pending new test results, myself&team members concerned are self-isolating in line with public health guidelines&teleworking. I feel well, have no symptoms, my tests in past week were negative. Stay safe!

Lexo edhe:

Tragjedi në Londër: Banesa përfshihet nga zjarri, vdesin nëna dhe tre fëmijët

Reuters: Gjenerali gjerman urdhëron modernizimin urgjent të ushtrisë

“Nuk mendojmë për nesër, sepse nuk e dimë a jemi gjallë apo vdekur”, vajza nga Palestina emocionon me një video-mesazh

— Oliver Varhelyi (@OliverVarhelyi) October 11, 2020

Gjatë javës së kaluar, Varhelyi ka qëndruar për vizitë në Kosovë, Bosnje dhe Hercegovinë, Serbi dhe Maqedoninë e Veriut.

Ai në Prishtinë u takua me kryeministrin e Kosovës, Avdullah Hoti dhe mbajti një fjalim në Kuvendin e Kosovës.

Qëllimi i vizitës ishte prezantimi i planit të investimeve të BE-së në rajon.

Numri i rasteve me coronavirus në vendet e Bashkimit Evropian është rritur gjatë javëve të fundit.

Edhe presidentja e Komisionit Evropian, Ursula von der Leyen, në fillim të javës së kaluar ka qenë në vetizolim, mirëpo më pas njoftoi se testi i saj për coronavirus ka dalë negativ.