Nën sloganin “Po, du”, Parada e Krenarisë, është organizuar me vetura në rrugët e Prishtinës, për të adresuar sfidat, kërkesat si dhe për të shfaqur praninë e personave LGBTI në Kosovë.

Parada e Krenarisë që u organizua për herë të katërt në Kosovë, u mbajt me vetura për shkak të pandemisë COVID-19, shkruan Gazeta Express.

Veç organizatorëve, në paradë morën pjesë edhe ambasadori amerikan në Prishtinë, Philip Kosnett, drejtori i Policisë së Kosovës, Rashit Qalaj, si dhe personalitete të ndryshme nga shoqëria civile.

12 tetori është Dita Ndërkombëtare e komunitetit LGBTI, ndërsa në Kosovë, është hera e katërt që shënohet kjo ditë.