Ish-Ministri i Shëndetësisë, Arben Vitia ka mohuar se është duke u hetuar nga Prokuroria për tenderët e dhënë nga Ministria e Shëndetësisë gjatë kohës që udhëhiqte me këtë dikaster.

Vitia ka thënë se Prokuroria po merret me hetimin e procedurave të prokurimit të të gjithë tenderëve që ai vet i ka dërguar për hetimin në Krimet Ekonomike, Autoritetin e Konkurrencës dhe Prokurorinë e Shtetit

“Unë nuk jam duke u hetuar nga Prokuroria.

Prokuroria po merret me hetimin e procedurave të prokurimit të të gjithë tenderëve që unë i kam dërguar për hetimin në Krimet Ekonomike, Autoritetin e Konkurrencës dhe Prokurorinë e Shtetit” tha ai.

“Të gjithë tenderët në të cilët kam menduar se është keqpërdorur detyra zyrtare i kam dërguar dokumentet për hetimin e tyre në maj vitit 2020 sa isha vet ministër” shtoi Vitia.