Ballkani e ka mposhtur Arbërinë në udhëtim me rezultat 4-2 në ndeshjen e cila ishte e vlefshme për xhiron e gjashtë të Superligës

Në Obiliq u zhvillua një ndeshje shumë interesante dhe me 6 gola të shënuara, shkruan Reporteri.net

Hasan kaloi në epërsi Arbërinë në minutën e 35-të, derisa Daku barazoi në minutën e 52-të.

Arbëria riktheu epërsinë me një gol të bukur të Kryeziut në minutën e 67-të, por Thaqi barazoi rezultatin gjashtë minuta më vonë.

Në minutën e 83-të u akordua një penalti në të mirë të Ballkanit, të cilën në gol e shndërroi Daku, i cili edhe sot ishte vendimtar për suharekasit.

Ermal Krasniqi në minutën e 95-të vulosi fitoren e ‘Xhebrailave’ ku me një goditje fantastike e mposhti Donat Kaçiun.

Me këtë fitore Ballkani vazhdon të jetë lider i Superligës, tani me 16 pikë, derisa Arbëria zë vendin e tretë me 8 pikë. /Reporteri.net/