Everton dhe Liverpooli kanë luajtur baras 2-2 në derbin e javës së pestë në Premier Ligë

Kjo ndeshje shumë lehtë mund të fitohej nga Liverpooli, por VAR anuloi një gol Jordan Hendersonit në minutën e 93-të, shkruan Reporteri.net

‘Të Kuqtë’ e nisën mjaft mirë këtë ndeshje duke kaluar në epërsi me anë të Sadio Mane në minutën e 3-të, por Keane barazoi në minutën e 19-të.

Mo Salah riktheu epërsinë e Liverpoolit në minutën e 72-të, por përsëri Evertoni barazoi rezultatin, kësaj radhe me anë të Calvert-Lewin që shënoi në minutën e 81-të.

Pas këtij barazimi Evertoni mbetet lider në Premier Ligë me 13 pikë, ndërkaq Liverpooli zë pozitën e dytë me 10 pikë pas pesë xhirove të zhvilluara deri tani. /Reporteri.net/

A pulsating Merseyside derby finishes all square #EVELIV pic.twitter.com/zFPJ6Eqbo3

— Premier League (@premierleague) October 17, 2020