Kanë përfunduar dy ndeshjet që ishin në program sot në kuadër të Superligës së Kosovës në futboll

Prishtina e ka mposhtur me rezultat të thellë 4-0 Besën në Fadil Vokrri në kuadër të javës së gjashtë në Superligën e Kosovës, shkruan Reporteri.net

Otto John shkëlqeu në këtë takim duke shënuar hat-trik, derisa golin tjetër për Prishtinën e shënoi Mërgim Pefqeli.

Në ndeshjen tjetër Llapi i Batatinës ka pësuar edhe një tjetër goditje të rëndë pasi u mposhtë në shtëpi nga Drenica me rezultat 1-0.

Hysen Tahiri shënoi golin e vetëm për Drenicën në këtë takim.

Kjo ishte humbja e katërt e Llapit nga 5 ndeshjet që ka zhvilluar deri tani dhe zë vendin e fundit në tabelë me vetëm 1 pikë. /Reporteri.net/