Bashkësia Islame i ka reaguar ambasadorit të Kosovës në Francë, Qëndrim Gashi, për publikimin e karikaturave të Profetit Muhamed.

Në reagimin e Bashkësisë Islame të Kosovës thuhet se ky është akt i papranueshëm dhe i dënueshëm.

Sipas BIK, një veprim i tillë vetëm e rrit urrejtjen e mosbesimin ndërnjerëzor.

“Për ne si Bashkësi Islame ky akt është i papranueshëm i dënueshëm dhe një veprim i tillë vetëm sa rrit mos durimin, urrejtjen e mosbesimin ndër njerëzor, ngase cenimi, ofendimi dhe atakimi i tjetrit, e sidomos kur kjo ka të bëj me çështjen e besimit, nuk paraqet asnjë vlerë”, thuhet në reagimin e BIK.

BIK ka kërkuar nga Ministria e Jashtme të distancohet nga veprimi i Gashit.

“Kërkojmë nga ministria e jashtme që të distancohet nga veprimi i Ambasadorit Gashi, ngase konsiderojmë që me veprimin e tij ka atakuar vlerat dhe parimet mbi të cilat populli ynë me shekuj ka ngritur e kultivuar harmoninë e bashkëjetesën ndër fetare”, thuhet në reagim.

Ambasadori i Kosovës në Francë, Qëndrim Gashi, ka shpërndarë në Twitter një shkrim të një gazetareje nga Franca, e cila shfaq karikaturën e Profetit Muhamed, të botuar në revistën Charlie Hebdo.

Décapitation de Samuel Paty: signalements, appels menaçants, plaintes, vidéos… Onze jours d’engrenage https://t.co/VehS28izzk via @Le_Figaro

— Lena Lutaud (@LenaLutaud) October 19, 2020

Reagimi i plotë i Bashkësisë Islame të Kosovës pa ndërhyrje:

Në fillimin e muajit të datëlindjes së Pejgamberit tonë të dashur Muhamed, kur ne dhe mbarë bota islame ka filluar manifestimet për të përkujtuar, lexuar e studiuar biografinë e tij te ndritshme dhe mësimet e tij të shenjta, na vjen publikimi i karikaturave që ofendojnë Pejgamberin Muhamed a.s., nga ambasadori ynë në Francë z. Qëndrim Gashi.

Për ne si Bashkësi Islame ky akt është i papranueshëm i dënueshëm dhe një veprim i tillë vetëm sa rrit mos durimin, urrejtjen e mosbesimin ndër njerëzor, ngase cenimi, ofendimi dhe atakimi i tjetrit, e sidomos kur kjo ka të bëj me çështjen e besimit, nuk paraqet asnjë vlerë.

Populli ynë njeh për vlerë kultivimin e tolerancës, mirëkuptimin, bashkëjetesën e harmoninë ndër fetare, që është shembull edhe për popujt e tjerë. Harmonia ndër fetare që ne kultivojmë me shekuj mund të jetë shembulli i mirë edhe për popujt dhe shoqëritë tjera.

Këtë shembull të mirë e vlerë të kombit tonë do të duhej ta ndiqte edhe ambasadori ynë, z. Qëndrim Gashi, e jo të bëj të kundërtën, dhe me veprimet e tij ti kontribuoj mos durimit e urrejtjes me bazë fetare.

Kërkojmë nga ministria e jashtme që të distancohet nga veprimi i Ambasadorit Gashi, ngase konsiderojmë që me veprimin e tij ka atakuar vlerat dhe parimet mbi të cilat populli ynë me shekuj ka ngritur e kultivuar harmoninë e bashkëjetesën ndër fetare.

Po ashtu dënojmë aktin kriminal ndaj mësuesit francez dhe në të njëjtën kohë angazhohemi që besimet tona mos të përdorën për urrejtje e mos durim, por për bashkëjetesë, njohje, respekt e dashuri.

Kryesia e Bashkësisë Islame të Kosovës