Rasti i vetëvrasjes së 19 vjeçares nga Kamenica të shtunën që lëmë pas ka prekur të gjithë.

E për rastin e saj, ka reaguar kryetari i kësaj komune Qëndron Kastrati e i cili ka thënë gjendja e vështirë ekonomike bashkë me kushtet e izolimit, si pasojë e pandemisë kanë efekt negativ mbi psikologjinë e individit.

Ai ka thënë se më shumë se kurrë është koha të solidarizohemi me njëri tjetrit duke mos i shmangur vlerat pozitive njerëzore, respektuar integritetin e dinjitetin e tjetrit, e vlerësuar jetën e grave.

Ndërsa ka ftuar organet e rendit që të hetojnë me seriozitet të lartë këtë rast.

Njoftimi i plotë:

Vetëvrasja nuk është gjithëmonë akt individual i izoluar nga dinamikat socio-ekonomike. Kështu, edhe vdekja e vajzës së re nga Kamenica na ka shqetësuar thellësisht.

Gjendja e vështirë ekonomike bashkë me kushtet e izolimit, si pasojë e pandemisë kanë efekt negativ mbi psikologjinë e individit.

Pa paragjykuar rastin në fjalë, sistemi vleror i shoqërisë sonë që përdorë turpërimin e dhunën si mjete diciplinimi të individëve, kur takohet me problemet në sistemin e drejtësisë mund të jenë fatale për jetën e njeriut.

Më shumë se kurrë është koha të solidarizohemi me njëri tjetrin duke mos i shmangur vlerat pozitive njerëzore, respektuar integritetin e dinjitetin e tjetrit, e vlerësuar jetën e grave.

Ftoj organet shtetërore të hetojnë me seriozitet të lartë rastin e vetvrasjes në Kamenicë.

https://www.facebook.com/QendronKastrati10/posts/1278607605810308?__xts__%5B0%5D=68.ARBdz22fSFgS1DgdjadBNKhmy8TTkIIhQkIJ5kMCktXx2EaE42-9VU0OBLJmKxEuet4o4j_nLviKuyY-Fn00ElTua5dugQhQUmsgxaZfnJJxWNWkt4qjWn9FEAT281aCEg9XtU3A_mIREA293MM6SOw-zk4JrGcZsHMmWfdcAQAaD1xaZN-MPZ4EEp94_zra7sKXXJlqTVekMmBtepllBIZTrv0dfbOtOWrQvz3uORCQYkdaooioy6ouPatgxqyvwYEj2uEAI3Z7UI8a5GVN1ijRMS_GMohg47PD_Uir0AVOd50asl4DskztuLUYG9QBvs_WULvwCX2ChlVIhNHZ_Q&__tn__=-R