Në 24 orët e fundit, për fat të mirë, në Kosovë nuk u regjistrua asnjë i vdekur nga COVID-19.
Kështu ka njoftuar ministri i Shëndetësisë, Armend Zemaj, i cili ka thënë se nga 974 mostra të marrë, kanë rezultuar 124 raste të reja, shkruan Reporteri.net.
“Nga 974 mostrat e marra në 24 orët e fundit, 124 kanë rezultuar pozitiv, ndërsa nuk ka asnjë rast të vdekjes së pacientëve nga Covid 19”, ka thënë Zemaj.
Ndërkohë, ai ka thënë se Prishtina prinë me numrin e të infektuarve, duke e quajtur shqetësues numrin. Ai ka paralajmëruar se mund të ketë ndonjë vendim të veçantë për kryeqytetin, meqë rastet janë rritur.
“Është shqetësues numri i madh i të infektuarve në Prishtinë ku shifra arrin në 72 brenda 24 orëve. Komuna, Shtabet emergjente, policia, Inspektoratet pres ta rrisin në maksimum kontrollin dhe zbatimin e masave anti Covid. Para një vendimi ndyshe për kryeqytetin, bashkë për të mirën e të gjithëve!”, ka shtuar Zemaj.
Sidoqoftë, në fund ministri u ka bërë apel qytetarëve që t’ju përmbahen rekomandimeve të Institutit Kombëtar të Shëndetësisë Publike dhe Ministrisë së Shëndetësisë./Reporteri.net