Në këtë javë ndodhën reagime të shumta, pas shpërndarjes që ambasadori kosovar në Francë, Qëndrim Gashi, i ka bërë karikaturës së Profetit Muhamed.

Deputetë, kryetar të partive të caktuara, por jo vetëm kërkuan shkarkimin e Gashit, ndërsa persona të caktuar edhe e kërcënuan atë dhe familjen e tij.

Për këtë çështje është pyetur edhe hoxha Ekrem Avdiu, i cili ka thënë se ambasadori e ka shkaktuar një pezm tek qytetarët me shpërndarjen e artikullit ku kanë qenë prezente karikaturat e Profetit Muhamed.

“Unë po të ishta në vend të tij, do ta konsideroja vetën borxhli, do të dorëhiqesha për një arsye, ajo që ka bërë ambasadori, ripublikimi i artikullit ku kanë qenë prezente karikaturat, ka shkaktuar një pezm të një shoqërie të cilës ai i përket. Unë personalisht do të tërhiqesha, nuk kam kërkuar as shkarkimin e tij, as ndjekjen e tij personalisht.”, ka thënë hoxha Ekrem Avdiu në REPORTERI/INTERVISTA.

Ai ka shtuar më tej se të përfaqësosh vendin si ambasador duhet të kesh kujdes.

“Kur kemi pozitë publike, të jesh ambasadorë, duhet të zhveshesh prej emrit, mbiemrit e ndjenjave, të jetë i kujdesshëm, e përfaqëson një vend, ambasadori është pozitë e madhe”, tha ai.

/Reporteri.net/.