Mediat sot raportuan se pavarësisht se nuk ka linjë direkte nga Amsterdami për në Prishtinë, një aeroplan special pasditen e së hënës ka arritur në Aeroportin Ndërkombëtar “Adem Jashari” nga Holanda. Ndonëse mediat e lidhën me Gjykatën Speciale, po del se aeroplani i solli në Kosovë futbollistet e kombëtares së Holandës, shkruan Reporteri.net.

Ndërkohë për aeroplanin ishin pyetur edhe EULEX dhe Gjykata Speciale.

Theksojmë se kombëtarja e femrave të Kosovës sonte do të përballet me njërën prej Kombëtareve më të fuqishme në futboll, Kombëtaren e Holandës.

Kosova e pret sonte në Fadil Vokrri, Kombëtaren e femrave të Holandës e cila nga tetë ndeshje të luajtura nuk e ka asnjë humbje.

Kosova është në vendin e 4 me 10 pikë, dy më pak se Sllovenia që është në vendin e 3 dhe 6 më pak se Rusia në vendin e dytë.