Presidenti i Kosovës, Hashim Thaçi ka dekoruar me Medalje Presidenciale, profesorët Milazim Krasniqi dhe Sali Bashota.

Thaçi ka thënë se ka ndarë këtë medalje për Krasniqin dhe Bashotën për kontributin e pareshtur në publicistikën, kulturën dhe arsimin tonë.

Ai ka njoftuar se pas vdekjes, këtë medalje e ka ndarë edhe për shkrimtarin e shquar, Abdullah Konushevci.

“Profesorët Milazim Krasniqi dhe Sali Bashota, sot i dekorova me Medaljen Presidenciale të Meritave për kontributin e pareshtur në publicistikën, kulturën dhe arsimin tonë. Po ashtu, pas vdekjes, këtë medalje e ndava edhe për shkrimtarin e shquar, Abdullah Konushevci.

Si studiues, shkrimtarë dhe publicistë, me punë dhe përkushtim të pandalshëm, të dekoruarit i kanë dhënë frymë të re studimeve albanologjike dhe vlera kombëtare letërsisë shqipe”, ka shkruar Thaçi.