Një person ka vdekur në lagjen “Prishtina e Re”, pasi ka rënë nga një lartësi brenda një objekti, dyshohet nga një hapësirë e liftit.

Viktima është e moshës 44-vjeçare dhe ka vdekur në spital, pasi nuk ka arritur t’i bëjë ballë plagëve të marra.

Këtë e ka konfirmuar për Gazetën Online “Reporteri.net”, Policia rajonale e Prishtinës.

“Rasti ka ndodhur në lagjen Prishtina e re në Prishtinë,saktësisht brenda një objekti ku viktima ka rënë nga një lartësi dhe ka pësuar lëndime. Viktima mashkull (1976), nuk ka arrit të përballoj plagët dhe i njëjti në QKUK, ka ndërruar jetë”, ka thënë Flora Ahmeti zëdhënëse e Policisës për rajonin e Prishtinës.

Ajo ka thënë se rasti po hetohet nga njësitet kompetente në koordinim me prokurorinë dhe inspektoriatin e punës. /Reporteri.net/.